Welkom by ICON
ICON is ’n jeugbediening in Alberton vol ENERGIE – vir die Here, mekaar en ander!
“Die Seun is die beeld (ICON) van God.” – Kolossense 1:15
Welkom by ICON! Ons skep ’n veilige, prettige en geloofsgerigte ruimte waar tieners God se liefde kan ontdek, geestelik kan groei en betekenisvolle vriendskappe kan bou. Deur Sondagbyeenkomste, groepbesprekings, uitreike, kampe, kuiers en diensprojekte leer ons jongmense meer oor God, hulself en hoe hulle ’n verskil in ander se lewens kan maak. Ons doel is om elke tiener te help om hul geloof uit te leef, hul potensiaal te ontdek en met selfvertroue hul plek in die wêreld in te neem.
Ouers is ’n belangrike deel van die ICON-familie! Ons deel gereeld inligting, gesinsbesprekings en ouerskapwenke via ons ICON-ouers-WhatsApp-groep. Ons moedig u aan om u tiener te ondersteun en aan te moedig om aktief deel te neem. ICON maak ook staat op die tyd, talente en ondersteuning van vrywilligers om ons bediening suksesvol te maak. Daar is verskeie maniere waarop u kan help met beplanning, fotografie, sosiale media, fondsinsamelings en geleenthede.