Die groep van 65-plus is ‘n wesenlike deel van die gemeente.

In hierdie bediening probeer ons ruimte skep waar elke lidmaat in hierdie groep kan tuis voel,

kan weet hulle is belangrik vir die gemeente en waar vriendskappe,

ondersteuning en omgee uitgeleef kan word.

Daar is ‘n senior selgroep wat elke Donderdag om 10:00 by die kerk ontmoet.

Indien u in hierdie groep val, word u uitgenooi om te kom aansluit, om geestelik te groei,

om nuwe vriende te maak en jou plek binne die gemeente vol te staan.

Ons het elke tweede Vrydag van die maand om 10:00 ‘n sosiale samekoms vir die 65-plus groep.

‘n Informele geleentheid waar ons saam kuier, saam beplan aan wat ons wil doen en

ons lewens en harte met mekaar kan deel. Elkeen is welkom om te kom aansluit.

Johan Heyns

083 463 0525

johan@albertonsuid.com

Een van die grootste uitdagings wat kinders van die Here vandag ervaar, is om in vandag se tyd,

Christus se lewe uit te leef EN ’n verskil te maak. Dis tog een van die hoof maniere hoe Jesus se liefde

op aarde bly groei. Maar dit is nie maklik nie.  Dit sou fantasties gewees het om soos Jesus se dissipels,

sy leringe te kon meemaak toe Hy hier op aarde geleef het.

Dis juis oor dié behoefte dat ons in baie kerke  ’n kern van kleiner gefokusde groepe vind, in Alberton-Suid huidig 13 groepe.

Hier leer ons by mekaar hoe om Jesus se opdragte prakties uit te voer. Ons leer en oefen hoe om

mekaar lief te hê en meer nog … hoe om ander lief te hê, soos Hy ons liefhet (Joh. 13:34)

Om SAAM in Jesus se Naam te kan staan, en leer en doen, is ’n wonderlike onmisbare voorreg en ervaring.

As jy so gelei word, kom klop aan en word deel van sy dissipelkring!

Kontakpersoon:  Rentia Human – rentia@albertonsuid.com  (Sy het net die regte selgroep vir jou!)

In ons gejaagde wêreld is die uitdaging wat aan ons mans gestel word, besig om elke dag toe te neem.

Dit raak soms moeilik om die balans tussen eggenoot, pa, oupa, vriend en professionele mens te vind.

In hierdie gejaag is daar so min tyd om stil te word, om ‘n slag asem te skep, jou hart oop te maak en na God te luister.

Elke Donderdag om 06:00 het ons ‘n gebedsgeleentheid waar ons manne kan stil word,

onsself kan oopstel om na God, na mekaar en na ons eie harte te luister.

Tyd vir gebed, ‘n koppie koffie en mede-broers wat ondersteun is ons strewe.

Ek nooi jou uit om deel van hierdie bediening te word.

Waar ons as mans op ons knieë voor God stil word,

sal ons kan staande bly te midde van die

uitdagings wat die lewe aan ons stel.

---

Dit was voorwaar weer ‘n voorreg en inspirasie vanaand.

Wat vanaand se mannegroep vir my beteken het:

Wanneer elkeen van ons by ‘n vergadering ingaan is daar die kans

dat jy “getap” gaan word van jou energie. Met die manne Bybelstudie groep,

is daar so ‘n magdom van kennis, nee, wysheid, wat gedeel word

dat ek met elke geleentheid versterk word tydens die samekoms. 

Dis kort, kragtig, insiggewend en opreg. Ek waardeer die manne van Alberton Suid.

Dit voel regtig soos ‘n tuiste waar almal ewe belangrike lede van dieselfde Liggaam is.

Dankie vir ‘n awesome samekoms.

Indien jou las swaar voel of jy sommer net nuuskierig is,

kom skakel gerus in by die manne Bybelstudie groep.

Ek was verras oor hoe goed en vernuwe

Ek na die tyd gevoel het.

Johan Bezuidenhout

Hitsklits bestaan uit ‘n dinamiese groep jong volwassenes (enkellopendes en paartjies).

As jy wonder of hierdie groep vir jou bedoel is, is dit heel moontlik ‘n aanduiding dat dit is!

Kom sluit by ons aan vir omgeegroep byeenkomste elke tweede week en informele kuiers.

Skakel gerus vir Marthin Ungerer vir meer inligting by  082 471 2360